Policia greke ka arrestuar sot tre shqiptarë në Akrokorintho, pasi hapën zjarr ndaj policisë helene.
Mediat greke raportojnë se në momentin kur policia i ka dhënë shenjë makinës për të ndaluar ,ata kanë qëlluar me armë, ndërsa policia është kundërpërgjigjur duke plagosur 2 nga 3 të arrestuarit.
Një prej të plagosurve është duke marrë mjekim në spitalin e Thriasios ndërsa tjetri në atë të Korinthit.
Ndërkaq, policia ka bërë me dije se grupi i shqiptarëve të arrestuar, në gusht të vitit 2019 kanë grabitur nje bankë në Kalamata.
Është sekuestruar edhe një armë kallashnikov, që u përdor për sulmin ndaj policisë.
Emrat e shqiptarëve nuk janë bërë me dije, ndërsa po punohet për të zbardhur më shumë rreth kësaj çështje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
