I pyetur mbi Task-Forcën e SPAK-ut për zgjedhjet, avokati Kujtim Cakrani tha në MCN Live se nuk luftohet krimi zgjedhor me fushata, por bëhet gjatë gjithë vitit.
Cakrani tha se nuk mund të ndërtohet shteti i planit të masave si në shtetin e Hitlerit.
Ai theksoi se Dumani i ka pasur në SPAK dosjet për krimet zgjedhore, por ia ka kaluar prokurorisë së rretheve, si në rastin e Dibrës.
“Ne po ndërtojmë shtetin e planeve të masave si shtetin e Hitlerit. Jemi në të njëjtën gradë. Në këtë vend s’merret parasysh ligji. Ç’është ky plan masash, kur ti ke ligjin aty. Planet e masave merren kur nuk ke ligje. Ata duhet të zbatojnë ligjin në 12 muaj të vitit. Këtu zgjedhjet janë vjedhur edhe para një viti, edhe para 4 vitesh. I ka pasur dosjet aty Dumani dhe ia kaloi Dibrës për kompetencë. E pamë çfarë u bë në Shkodër me makina të blinduara, edhe u arrestua Fredi Beleri. Nuk hetohet vetëm në kohën e zgjedhjeve, por edhe para, edhe post zgjedhjeve. Premtimet elektorale janë edhe për një tender, koncesion, investitor strategjik. Më çfarë fondesh po i bëjnë këta takimet në diasporë?! Nuk luftohet krimi zgjedhor me fushata, por në mënyrë permanente”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
