Një aksident është shënuar mesditën e sotme në hyrje të fshatit Stan-Karbunarë në aksin e vjetër rrugor nacional Lushnje-Berat.
Automjeti me të cilën udhëtonte një 28-vjeçare është përplasur me barrierat anësore të një ure dh pas disa rrotullimeve ka përfunduar e kthyer në njërën anë në mes të rrugës.
Për pasojë drejtuesja e mjetit është transportuar me urgjencë në spitalin e Lushnjës për ndihmë mjekësore.
Policia rrugore ka shkuar në vendngjarje për të dokumentuar rastin dhe për të hetuar shkaqet e aksidentit, njëkohësisht duke disiplinuar trafikun.
Nga të dhënat e para dyshohet se drejtuesja ka humbur kontrollin e mjetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
