Gjykata e Apelit ne Shkodër ka ndryshuar masën e sigurisë në “detyrim paraqitjeje” për ish-deputetin demokrat Bardh Spahia. Trupi gjykues i Apelit të Shkodrës e konsideroi të paligjshëm ndalimin e tij nga policia.
Ish-deputeti i PD-së u arrestua më 19 qershor, pas një përplasjeje të demokratëve të Shkodrës me policinë në një prej KZAZ-ve të qytetit. Ish-deputeti Spahia u akuzua për veprat penale “kundërshtim i punonjësve të policisë”, “shkatërrim i pronës me zjarr” dhe “mosbindje ndaj punonjësve te policisë”.
Katër ditë pas arrestimit, Gjykata e Shkodrës caktoi masën e sigurisë “arrest shtëpie” për ish-deputetin Spahia, i cili u lirua sot nga Apeli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
