Një person i dënuar për plagosje të rëndë me dashje dhe armëmbajtje pa leje është ekstraduar nga Mbretëria e Bashkuar drejt vendit tonë.
Si rezultat i bashkëpunimit ndërmjet Interpol Tiranës dhe Interpol Mançester, u krye ekstradimi nga Mbretëria e Bashkuar drejt vendit tonë i Mikel Hoxhws, 33 vjeç.
Hoxha ishte shpallur në kërkim ndërkombëtar, pasi Gjykata e Apelit Durrës, në vitin 2021, e ka dënuar me 5 vjet burgim për veprat penale “Plagosje e rëndë me dashje”, “Mbajtje pa leje dhe prodhim i armëve, armëve shpërthyese dhe i municionit”.
Mikel Hoxha, akuzohet se në 6 qershor 2018, në qytetin e Gramshit, pas debatit të çastit për motive të dobëta, ka plagosur me armë zjarri në kofshë shtetasin A. H., duke i shkaktuar lëndime serioze.
Si rezultat i bashkëpunimit të Interpol Tiranës me Interpol Mançester / Mbretëri e Bashkuar, u bë e mundur arrestimi i tij, duke u finalizuar me ekstradimin drejt vendit tonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
