Festimi i ditëlindjes së shefes së Komisariatit të Lezhës, i ka kushtuar vendin e punës 4 punonjësve të Policisë të Forcës së Posaçme "Shqiponja”.
Pas videos së publikuar një ditë më parë në rrjetet sociale janë pezulluar nga detyra 4 punonjës të forcave “Shqiponja”.
Sipas burimeve policore të pezulluar nga detyra janë inspektorët R. P., Xh. N., A. Sh. dhe R. M.
Ata kanë qëlluar me armët e shërbimeve në ajër dhe në kundërshtim me ligjin. Ngjarja ka ndodhur në zonën e Zadrimës, në segmentin Lezhë-Shkodër, ku dhe po organizohej festa.
Ndërkohë ndaj tyre ka nisur hetimi disiplinor për shkelje të rëndë disiplinore “Sjellje e rëndë diskretituese”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
