Zbulohet në Vlorë një skaf italian i cili dyshohet se do përdorej për trafik droge. Policia Kufitare e Vlorës, gjatë pasdites së djeshme teksa po bënte kontroll ujor dhe tokësor, përgjatë vijës bregdetare Himarë-Gramë, ka konstatuar një skaf me flamur italian pa persona në bord pranë vendit të quajtur “Gjiri i Gramës”
Policia ka bërë bllokimin dhe sekuestrimin e mjetit lundrues tip skaf, me gjatësi 9 metër dhe me një motor “Mercruiser 502”, me fuqi 500 kuaj fuqi.
Gjatë kontrollit të ushtruar në mjet nuk është konstatuar ndonjë send apo material i kundraligjshëm.
Aktualisht vazhdojnë kontrollet dhe hetimet e mëtejshme për zbulimin dhe kapjen e autorëve, ndërkohë që dyshohet se mjeti lundrues ishte sjellë në brigjet shqiptare, për të trafikuar lëndë narkotike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
