Një ngjarje e rëndë ka ndodhur në fshatin Përlat i Epërm, në Mirditë, ku një 45-vjeçar ka humbur jetën pasi ka rënë në kontakt me rrymën elektrike.
Sipas informacioneve paraprake, 45-vjeçari, banues në Durrës, kishte hipur në një shtyllë elektrike pranë banesës së vjehrrit të tij për të rregulluar ndriçimin.
Dyshohet se gjatë punës ai ka rënë në kontakt me rrymën elektrike, duke humbur jetën në vend.
Policia dhe grupi hetimor kanë shkuar në vendngjarje dhe po punojnë për zbardhjen e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
