Një aksident i rëndë ka ndodhur pasditen e së mërkurës tek mbikalimi në Vorë, ku si pasojë kanë mbetur të plagosur 3 persona. Policia bën të ditur se 25-vjeçari L. B., duke drejtuar automjetin tip “Peugeot”, ka humbur kontrollin dhe ka dalë nga rruga.
Si pasojë e përplasjes është plagosur shoferi dhe dy pasagjerët që ndodheshin në mjet.
Njoftimi i policisë:
Më datë 19.04.2023, rreth orës 18:50, te mbikalimi në Vorë, shtetasi L. B., 25 vjeç, duke drejtuar automjetin tip "Peugeot", dyshohet se ka humbur kontrollin mbi drejtimin e tij dhe automjeti ka dalë nga rruga.
Si pasojë janë dëmtuar drejtuesi i automjetit, shtetasi L. B., dhe dy pasagjerët, shtetasit M. Gj., 22 vjeç, dhe A. Gj., 23 vjeç, (vëllezër) të cilët ndodhen në spital, nën kujdesin e mjekëve.
Grupi hetimor po punon për sqarimin e rrethanave të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
