Për të përballuar situatën e zjarreve që shpërthyen gjatë periudhës 21-31 korrik 2025, Bashkimi Evropian mobilizoi një sërë mjetesh dhe burimesh për të ndihmuar Shqipërinë, duke dërguar avionë zjarrfikës, helikopterë dhe mbështetje satelitore përmes sistemit “Copernicus”.
Delegacioni i Bashkimit Evropian në Tiranë njoftoi sot se, përveç Shqipërisë, gjashtë shtete të tjera u përballën me zjarre të rënda dhe aktivizuan Mekanizmin e Mbrojtjes Civile të BE-së.
Si reagim, Bashkimi Evropian mobilizoi pesë avionë zjarrfikës, dy helikopterë, ekipe në terren dhe mbështetje satelitore nga e gjithë Evropa, për të ndihmuar në përballimin e situatës dhe për të mbrojtur komunitetet e prekura.
Në Shqipëri konkretisht u angazhuan pesë avionë zjarrfikës nga Greqia, Italia dhe Kroacia, helikopterë nga Hungaria, si dhe mbështetje me imazhe satelitore përmes sistemit “Copernicus”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
