Të shtëna me armë zjarri te Liqeni i Thatë, qëllohet drejt një automjeti

Të shtëna me armë zjarri janë regjistruar paraditen e sotme te Liqeni i Thatë në Tiranë ku është qëlluar drejt një automjeti.

Ngjarja ka ndodhur te nënkalimi te Liqeni i Thatë, nga një person ende i paidentifikuar, ndërsa dyshohet se është qëlluar me armë zjarri në drejtim të mjetit me drejtues shtetasin L. M., 63 vjeç.

Si pasojë e të shtënave, nuk ka persona të lënduar. Shërbimet e Policisë kanë shkuar menjëherë në vendngjarje, janë ngritur pika kontrolli në të gjitha pikat hyrëse-dalëse të Tiranës me qëllim kapjen e autorit.

Ndërkohë, grupi hetimor ndodhet në vendngjarje dhe është duke sekuestruar çdo provë të mundshme materiale që do të shërbejë për identifikimin e autorit të ngjarjes.