Një aksident i rëndë ka ndodhur mbrëmjen e së premtes në aksin rrugor Elbasan-Librazhd, pranë fshatit Xibrakë. Sipas informacioneve të policisë, kanë mbetur të plagosur gjashtë persona.
Policia njofton se automjteti me drejtues 67-vjeçarin me iniciale V.Ç. është përplasur me mjetin me drejtues 39-vjeçarin me iniciale A.A.
Si pasojë e aksidentit janë dëmtuar 67-vjeçari V.Ç. dhe 4 pasagjerë që udhëtonin me të, si dhe një 11-vjeçare që udhëtonte në automjetin me drejtues shtetasin A. A.
Të dëmtuarit ndodhen në kujdesin e mjekëve, jashtë rrezikut për jetën. Grupi hetimor po punon për sqarimin e rrethanave të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
