Aksident me pasojë vdekjen e një personi është regjistruar mëngjesin e kësaj të premte në aksin e rrugës kombëtare Peqin- Elbasan.
Ngjarja ka ndodhur pak pas orës 10:00, në fshatin Përparim, në territorin e Bashkisë Peqin, ku sipas informacioneve paraprake 73-vjeçari Agim Hoxha është përplasur nga një furgon gjatë lëvizjes në këtë segment rrugor.
Për shkak të përplasjes së fortë, viktima ka pësuar dëmtime të rënda dhe, pavarësisht rrethanave, nuk ka mundur t’u mbijetojë plagëve, duke ndërruar jetë në vendngjarje.
Policia e cila ka shkuar në vendin e ngjarjes po punon për zbardhjen e plotë të rrethanave dhe shkaqeve të këtij aksidenti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
