Gjykata e Posaçme ka lënë në fuqi masën paraprake të sigurisë për pezullimin nga detyra e zëvendëskryeministres dhe ministres së Infrastrukturës Belinda Balluku.
Balluku akuzohet për shkeljen e barazisë në tendera. Ajo u paraqit që në orën 09.00 të kësaj të shtune në GJKKO ku avokatët kërkuan dy orë kohë për tu njohur me aktet.
Në GJKKO u paraqit këtë të shtunë edhe kreu i Autoritetit Rrugor Shqiptar Gentian Gjyli dhe kreu i KESH Erald Elezi po për të njëjtën çështje. Për këta të fundit GJKKO ka dhënë masën e sigurisë “arrest shtëpie”.
Po ashtu gjykata vendosi edhe masën ndalim për të dalë jashtë vendit për deputeten e qarkut Fier.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
