Një person i shpallur në kërkim ndërkombëtar është arrestuar nga Policia e Durrësit, pasi drejtësia italiane e ka dënuar me burg për veprimtari kriminale në fushën e narkotikëve.
Sipas policisë, në pranga është vënë shtetasi Ilir Plaku, të cilit i kanë mbetur për të vuajtur edhe 2 vite e 4 muaj burg në Itali.
Ndërkohë, Policia e Elbasanit njoftoi arrestimin e dy të rinjve të shpallur në kërkim për veprën penale të vjedhjes.
Shtetasit me inicialet Xh. M., dhe N. H., rezultojnë se janë dënuar me 6 muaj burg nga Gjykata e Elbasanit.
Materialet në ngarkim të të arrestuarve i janë përcjellë organeve hetimore për veprimet të mëtejshme proceduriale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
