Aksident i rëndë me pasojë 9 të vdekur dhe 26 të plagosur ka ndodhur mëngjesin e sotëm pranë distriktit Polatlı të Ankarasë, ku një autobus pasagjerësh është përplasur me këmbët e mbikalimit.
Guvernatori i Ankarasë, Vasip Şahin, tha se sipas të dhënave fillestare, 9 persona kanë humbur jetën dhe 26 janë lënduar. Ai tha se mes pasagjerëve të vdekur ishte edhe shoferi i autobusit.
Lidhur me shkakun e aksidentit, guvernatori tha se, “Nuk ka shenja për probleme me frenat dhe sipas vlerësimeve fillestare mund të ketë qenë pasojë e gjumit të drejtuesit të mjetit”.
Ai tha se informacioni për shkakun e vërtetë të aksidentit do të ndahet “në orët në vijim”.
Aktualisht nuk ka pasagjerë të bllokuar në autobus, por ende po vijohet puna me shqetësimin se mund të ketë persona nën rrënoja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
