Misioni i KFOR-it në Kosovë ka bërë me dije se se trupat kroate ishin bashkuar me komandën rajonale të misionit në perëndim të Koosvës, duke e bërë atë shtetin e nëntë në njësi.
Mediat e Kosovës shkruajnë se në një status në Tëitter, KFOR bën me dije se ushtarët kroatë do të integrohen në një batalion kinetik, i cili do të patrullojë anën perëndimore të Kosovës.
“Trupat kroate janë bashkuar me Komandën Rajonale të KFOR në Perëndim, duke u bërë vendi i nëntë që do të jetë pjesë e njësisë,”- shkruhej në status.
Ata do të jenë së bashku me ushtarë nga Austria, Italia, Rumania, Maqedonia Veriore, Polonia, Sllovenia, Zvicra, Turqia.
Ky bashkim i forcave kroate me KFOR-in në Kosovë u promovua gjatë një vizite të ministrit të Jashtëm kroat Gordan Grliç Radman muajin e kaluar në Prishtinë. Kjo çoi në acarimin e Beogradit, akt të cilin e pa si një aleancë shqiptaro-kroate kundër saj.
Serbia dhe Kroacia kanë historikisht fërkime, dhe ndodh që raportet mes tyre acarohen kohë pas kohe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
