Policia e Tiranës ka vënë në pranga një person, nën akuzë se përndiqte një grua dhe kryente veprime të turpshme ndaj disa femrave të tjera. Shtetasi Ilir Alla është kapur në rrugën “Ylbere Bylykbashi” ndërsa dy ditë më parë ndaj tij, Gjykata e Tiranës ka caktuar masën e sigurisë “arrest në burg”.
Rasti i fundit që Ilir Alla, ka përndjekur një femër është ai i shtetases M. M., në Tiranë, ku nga verifikimet e kamerave të sigurisë dhe vetë filmimin që M. M., i ka dorëzuar policisë, është provuar se Ilir Alla, kryen veprime të turpshme në publik.
Nisur nga këto prova, policia ka bërë arrestimin e Ilir Allës dhe dy ditë më parë, Gjykata e Tiranës ka caktuar masën e sigurisë “arrest në burg”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
