Aksident në Lushnjë, makina përfundon në kanal

Një aksident ka ndodhur mbrëmjen e sotme në fshatin Zhymë të Lushnjë. Sipas informacioneve, një makinë tip “Benz”, ka dalë nga rruga dhe ka rënë në një kanal me ujë.

I plagosur ka mbetur shtetasi Elnis Allkanjari, rreth 40 vjeç. Në vendin e ngjarjes kanë shkuar zjarrfikësit dhe policia.

Paraprakisht dyshohet se shpejtësia ka bërë që mjeti të dalë nga rruga. Fatmirësisht për 40-vjeçarin Allkanjari, në momentin e aksidentit kanali ka pasur pak ujë.

Njoftimi i policisë:

Rreth orës 20:20, në fshatin Zhymë, shtetasi E. A., duke drejtuar automjetin tip “Volkswagen”, ka humbur kontrollin mbi drejtimin e automjetit dhe për pasojë automjeti ka dalë nga rruga.

Si pasojë e daljes nga rruga, është dëmtuar shtetasi E.A., i cili ndodhet në spital, në kujdesin e mjekëve.

Grupi hetimor po punon për zbardhjen e plotë të shkaqeve të aksidentit.