Prokuroria e Tiranës ka regjistruar procedimin penal dhe ka nisur hetimet për zhdukjen e dy vajzave të mitura në Tiranë.
Sipas burimeve nga organi i akuzës, hetuesit janë duke verifikuar të gjitha kontaktet që kanë pasur të miturat ditët e fundit si dhe iu është kërkuar kompanive celulare që t’iu vihen në dispozicion tabulatet telefonike.
Familjaret e 16-vjeçareve të zhdukura me 1 janar, nuk kanë dyshime tek ndonjë person që mund të këtë rrëmbyer vajzat.
Vajzat u larguan mëngjesin e 1 janarit nga banesat e tyre dhe u kanë thënë familjarëve se do takojnë njëra-tjetrën. Prindërit e vajzave kanë pritur deri në mbrëmje dhe mëngjesin e 2 janarit kanë bërë kallëzimin në komisariat. Sipas verifikimeve të kryera deri më tani nga Policia, rezulton se për herë të fundit vajzat janë parë në ‘Qytet Studenti’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
