Detaje të reja janë mësuar nga ngjarja e regjistruar mëngjesin e kësaj të diele në zonën e Fllakës, në Sektor Rinia të Durrësit, ku një 25-vjeçar humbi jetën si pasojë e një zjarri.
Burime bëjnë me dije se zjarri ka rënë në një fabrikë të prodhimit të skafeve, ndërsa viktima është identifikuar si Omar Faruk, shtetas nga Bangladeshi.
Sipas informacionit paraprak, flakët kanë përfshirë ambientin ku gatuhej për punonjësit e fabrikës, ndërsa dyshohet se shkak është bërë shpërthimi i një bombule gazi. I riu ka humbur jetën nga asfiksia e shkaktuar nga tymi.
Nga ngjarja mbeti i lënduar edhe një tjetër punonjës, një 30-vjeçar nga Kenia, i cili ndodhet në spital nën kujdesin e mjekëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
