Një 41-vjeçar është arrestuar nga Policia e Dibrës, me qëllim ekstradimin e tij në Itali. Sipas burimeve, shtetasi Kleant Keshi alias Gentjan Hysa, është arrestuar të mërkurën nga Policia Kufitare Bllatë, pasi rezultonte i shpallur në kërkim nga autoritetet italian.
Keshi është shpallur në kërkim ndërkombëtar nga Interpol Roma, pasi Gjykata e Torinos e ka dënuar me 5 vjet, 5 muaj e 27 ditë burg për kryerjen e veprave penale “Prodhim dhe shitje narkotikësh” , “Vjedhje” dhe “Kundërshtim i punonjësve në detyre shtetërore” (u është larguar me forcë Karabinierëve në Torino), parashikuar nga nenet 624, 625 dhe 337 të Kodit Penal Italian, si dhe neni 73 i Ligjit nr.309/1990 “Për drogat”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
