Akuzohet për vrasje me paramendim, të mbetur në tentativë/ Në pranga 40-vjeçari

Një shtetas i shpallur në kërkim për vrasje me paramendim e mbetur në tentativë, është arrestuar nga policia.

Bëhet fjalë për D. H., 40 vjeç, i cili më 3 qershor të vitit të shkuar tentoi të vrasë me thikë një 24-vjeçar në Paskuqan.

Në njoftim thuhet: 

Shërbimet e Komisariatit të Policisë Nr. 4 kapën dhe ndaluan shtetasin D. H., 40 vjeç, banues në Tiranë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Arrest në burg”, për veprën penale “Vrasja me paramendim", mbetur në tentativë. Ky shtetas dyshohet se më datë 03.06.2023, në Paskuqan, ka tentuar të vrasë me mjet prerës (thikë), një 24-vjeçar;