Një 18-vjeçar është arrestuar në flagrancë nga shërbimet e Forcës së Posaçme “Shqiponja” në lagjen “Lef Sallata” të qytetit të Vlorës, pas një operacioni të bazuar në informacione operative dhe kontrolle intensive në terren.
Shtetasi E. H., banues në Vlorë, u ndalua gjatë ndërhyrjes së policisë, ku gjatë kontrollit fizik iu gjetën dhe u sekuestruan një pistoletë lodër e llojit çakmak, një maskë prej materiali sintetik, një përforcues grushti metalik, si dhe disa kartëmonedha në euro dhe dollarë amerikanë, të dyshuara si të falsifikuara dhe në prerje të ndryshme.
Në përfundim të veprimeve procedurale, materialet i janë referuar Prokurorisë së Vlorës për vijimin e hetimeve, për veprat penale “Prodhimi, mbajtja, blerja apo shitja pa leje e armëve të ftohta” dhe “Falsifikimi i monedhave”.
Hetimet për rastin vijojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
