Aksident në dalje të Lezhës, përplasen tre automjete, tre të plagosur

Aksident me pasojë tre persona të plagosurt është regjistruar mesditën e sotme në superstradën Lezhë-Shkodër.

Ngjarja ka ndodhur, rrugës për në Balldren, në vendin e quajtur lagjia e ish-frutores, ku janë përplasur tre automjete dhe kanë mbetur të plagosur tre persona.

Të plagosurit janë dërguar me urgjencë në Spitalin e Lezhës, për ndihmë mjekësore ku raportohet se ndodhen nën kujdesin e mjekëve.

Ndërkohë në aksin Lezhë-Balldren është krijuar trafik dhe për disa minuta është bllokuar qarkullimi.

Policia dhe grupi hetimor në vendin e ngjarjes ka nisur hetimet për zbardhjen e plotë të rrethanave të aksidentit.