Një 41-vjeçare nga Memaliaj po hetohet në gjendje të lirë nga Prokuroria, pasi dyshohet se ka ushtruar dhunë ndaj një mësuese. Sipas policisë, ngjarja ka ndodhur këtë të martë, në ambientet e shkollës 9-vjeçare në Memaliaj, pas një konflikti për motive të dobëta.
41-vjeçarja S. K., akuzohet për veprën penale “Goditja për shkak të detyrës”.
Njoftimi i policisë:
Dhunoi fizikisht një shtetase (mësuese), procedohet penalisht 41-vjeçarja.
Shërbimet e Stacionit të Policisë Memaliaj referuan materialet në Prokurori dhe nisi procedimi në gjendje të lirë për shtetasen S. K., 41 vjeçe, për veprën penale “Goditja për shkak të detyrës”.
Ditën e sotme, në ambientet e shkollës 9-vjeçare Memaliaj, pas një konflikti të çastit për motive të dobëta, 41-vjeçarja (familjare e një nxënëseje) ka dhunuar fizikisht një mësuese në këtë shkollë.
Materialet procedurale në ngarkim të shtetases S. K. i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
