Një 25-vjeçar ka arritur të arratiset pas një përplasjeje me polciiën e Lezhës. Siç bën të ditur policia, Armarildo Ndoj, 25-vjeç, banues në Rrëshen, është shpallur në kërkim pasi ishte dënuar me 8 vite burg për vrasje të mbetur në tentativë dhe zotërim të armëve luftarake pa leje.
Pas sinjalizimeve për vendndodhjen e tij, policia e Mirditës ka shkuar në fshatin e quajtur Kodër-Rrëshen. Në momentin e afrimit të punonjësve të policisë, Ndoj ka kanosur me armë zjarri pistoletë punonjësit e policisë duke qëlluar në ajër si dhe ka arritur të largohet duke përfituar nga errësira dhe terreni malor.
Në vendngjarje u gjet dhe sekuestrua një armë zjarri pistoletë e cila dyshohet se është përdorur nga autori si dhe një gëzhojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
