Një sasi e madhe kokaine është kapur në portin e Durrësit. Mësohet se kokaina e kapur e kishte origjinën nga Ekuadori.
Deri më tani thuhet se nga pakot me kokainë të gjetura brenda një kontejneri, peshojnë rreth 143 kg. Pakot e drogës së fortë ishin fshehur në tavanin e kontejnerit që vinte nga Ekuadori.
Ka qenë skaneri i kontrollit në portin e Durrësi që ka gjetur sasinë e madhe të kokainës. Menjëherë pas kësaj, përfaqësues të drejtorisë së përgjithshme të Policisë shkuan në port.
Nga kontrolli brenda në kontejner u gjetën 143 kg me kokainë. Mësohet se kontejneri u përket disa personave nga Tirana.
Kontejneri që vinte nga Ekuadori ishte i mbushur me banane që përdorej nga kompania Massabi Fruits me qendër në Kombinat Tiranë.
Kujtojmë se vetëm pak ditë më parë në Durrës, u kap një sasi tjetër prej 49 kg kokainë e fshehur në pjesën anësore të një kontejneri me banane.
Për këtë u arrestua Selim Cekaj, babai i Arbër Cekajt edhe ky i arrestuar për një sasi të madhe kokainë të kapur në vitin 2018.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
