Specialistët e Seksionit për Hetimin e Krimeve Ekonomike dhe Financiare, në DVP Tiranë, në bashkëpunim me Drejtorinë për Hetimin e Krimeve Kibernetike, finalizuan operacionin policor të koduar "Location".
Si rezultat i këtij operacioni, u arrestua në flagrancë shtetasi R. L., 39 vjeç, i cili administronte një subjekt të palicencuar dhe të padeklaruar për aktivitetin në organet kompetente, i përshtatur si call-center në rrugën “Themistokli Gërmenji” në Tiranë.
Gjatë operacionit, shërbimet e policisë kapën 13 operatorë që mashtronin shtetas të huaj për t’i detyruar ata të investonin në një bursë fiktive.
Gjatë ndërhyrjes, janë sekuestruar pajisje kompjuterike, aparate celulare dhe mjete pune që përmbanin të dhëna të ndryshme, të cilat përdorej për mashtrimet.
Materialet i kaluan Prokurorisë për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
