Seksioni për Hetimin e Trafiqeve, në bashkëpunim me Sektorin e Forcës së Posaçme Operacionale të DVP Tiranë, ka finalizuar operacionin policor të koduar "Fragranca", si rezultat i të cilit u kapën dhe u vunë në pranga shtetasit P. B., 26 vjeç dhe G. B. (S.), 37 vjeç, të dy banues në Tiranë.
Operacioni u zhvillua në zonën e njohur si "Zogu i Zi", ku u ndalua automjeti tip “Honda”, i drejtuar nga shtetasi G. B., me pasagjer shtetasin P. B. Gjatë kontrollit të automjetit, shërbimet e Policisë gjetën një armë zjarri pistoletë, me krehër dhe fishekë, që dyshohet se P. B. e posedonte me qëllim shitjen e saj në Tiranë.
Në momentin e ndalimit të automjetit, shtetasi G. B. ka kundërshtuar me dhunë punonjësit e Policisë dhe ka tentuar të largohet.
Pas verifikimeve të mëtejshme, u konstatua se P. B. ishte nën masën e sigurimit “Arrest në shtëpi” për veprën penale “Vjedhja”.
Hetimet për këtë rast vijojnë dhe po bëhen përpjekje për identifikimin e shtetasve të tjerë të dyshuar të përfshirë në këtë aktivitet kriminal. Materialet procedurale iu kaluan Prokurorisë për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
