Policia e Shkodrës ka vënë në pranga një 26-vjreçar, pasi u kap në flagrancë duke transportuar emigrantë të paligjshëm. Burimet zyrtare të policisë njoftuan se në pranga është vënë shtetasi me inicialet F. B., banues në fshatin Vrakë, Malësi e Madhe. Operacioni për kapjen e këtij shtetasi u zhvillua nga strukturat e Drejtorisë Vendore të Policisë Shkodër, në bashkëpunim me Drejtorinë Vendore të Kufirit dhe Migracionit Shkodër.
Ky shtetas u kap në flagrancë në aksin rrugor Shkodër-Hani Hotit, në vendin e quajtur Vukpalaj, Malësi e Madhe, duke transportuar me një automjet, 7 shtetas të huaj, emigrantë të paligjshëm, të cilët dyshohet se po i transportonte në afërsi të kufirit me Malin të Zi, me destinacion final vendet e BE-së.
Materialet iu referuan Prokurorisë së Rrethit Gjyqësor Shkodër, për veprën penale “Dhënie ndihmë për kalim të paligjshëm të kufirit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
