Policia e Fierit ka goditur një rast prostitucioni në qytetin e Fierit. Në pranga kanë rënë dy shtetase të huaja një 30 vjeçare nga Kazakistani dhe një 31-vjeçare nga Turqia.
Si rezultat i hetimeve të kryera me metoda speciale, për një rast prostitucioni, specialistët e Seksionit për Hetimin e Trafiqeve të DVP Fier, në bashkëpunim me shërbimet e Forcës së Posaçme Operacionale, arrestuan shtetaset: Y. Y., 30 vjeçe, banuese në Kazakistan dhe A. A., 31 vjeçe, banuese në Turqi.
Ato kishin marrë me qira një banesë, të cilën e përdornin për aktivitetin e paligjshëm. Si provë, u sekuestruan 2,800 euro, 29,000 lekë dhe 5 celularë.
Materialet procedurale iu referuan Prokurorisë pranë Gjykatës së Shkallës së Parë Fier për veprat penale “Prostitucioni” dhe “Mbajtja e lokaleve për prostitucion”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
