Në Klinikën Infektive të Shërbimit Spitalor Universitar të Kosovës, aktualisht janë të hospitalizuar 7 pacientë me Covid-19.
Nga këta, tre pacientë janë në terapi me oksigjen, ndërsa njëri prej tyre është duke u trajtuar në mjekimin intensiv.
Arben Vishaj, drejtori i Klinikës Infektive, ka thënë për media në Kosovë se Covid-19 tani është një sëmundje e zakonshme në vend dhe nuk paraqet më emergjencë të madhe.
Ai shtoi se pacientët e hospitalizuar janë kryesisht të moshuar dhe ata që vuajnë nga sëmundje kronike të tjera, si probleme me veshkat, mushkëritë, zemrën ose sëmundje të mëlçisë.
Vishaj gjithashtu parashikoi një mundësi për një rritje të lehtë të numrit të të prekurve në ditët në vijim, për shkak të lëvizjes së popullsisë dhe situatës epidemiologjike në vende të tjera të Evropës.
Ai rekomandon që qytetarët që ndjejnë simptoma të Covid-19 të konsultohen me mjekët në qendrat e mjekësisë familjare dhe, në rast se situata përkeqësohet, të kërkojnë ndihmë në Klinikën Infektive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
