Plagoset me armë zjarri një efektiv policie në Tiranë, 30-vjeçari dërgohet me urgjencë në spital

Një punonjës i Policisë së Shtetit, i identifikuar me inicialet A.K., 30 vjeç, ka mbetur i plagosur me armë zjarri pak pas mesnatës në Tiranë. 

Policia e kryeqytetit bën me dije se ai është transportuar menjëherë në spital dhe ndodhet jashtë rrezikut për jetën.

Ngjarja ka ndodhur rreth orës 00:10 në zonën e Shkozës. Menjëherë pas marrjes së njoftimit, shërbimet e Policisë kanë ngritur pika kontrolli dhe po vijojnë kontrollet intensive në zonë, me qëllim kapjen e autorit ose autorëve.

Sipas të dhënave paraprake, efektivi i Policisë së Shtetit ka qenë jashtë shërbimit në momentin e plagosjes. Dëshmia e tij pritet të jetë kyçe për zbardhjen e plotë të rrethanave të ngjarjes.

Më datë 18.05.2026, rreth orës 00:10, në zonën e Shkozës, në rrethana ende të paqarta, është plagosur, dyshohet me armë zjarri, shtetasi A.K., rreth 30 vjeç, punonjës policie jashtë shërbimit. 30-vjeçari është transportuar në spital dhe ndodhet jashtë rrezikut për jetën.

Menjëherë pas marrjes së njoftimit, shërbimet e Policisë kanë ngritur pika kontrolli dhe po vijojnë kontrollet intensive në zonë, me qëllim kapjen e autorit/ëve.

Grupi hetimor dhe Agjencia e Mbikëqyrjes Policore (AMP), nën drejtimin e Prokurorisë, ndodhen në vendngjarje dhe po punojnë për sqarimin e plotë të rrethanave, identifikimin e autorit/ëve dhe dokumentimin ligjor të ngjarjes.