Komisioni i Pavarur i Kualifikimit, KPK konfirmoi sot në detyrë prokurorin pranë Prokurorisë së Rrethit Gjyqësor Tiranë, Robert Kote.
Prokurori pranë Prokurorisë së Rrethit Gjyqësor Tiranë, Robert Kote u përball me vetingun më 14 dhjetor për tre kriteret e vlerësimit, ligjshmërinë e pasurisë dhe kriterin etik dhe profesional.
Gjatë seancës dëgjimore më 15 dhjetor, Kote dha shpjegime për balancat negative lidhur me shpenzimet e shkollimit të vajzës në Vjenë të Austrisë, për udhëtimet dhe pushimet jashtë shtetit, si dhe për pamundësinë e blerjes së një makine.
Trupa gjykuese e përbërë nga Lulzim Hamitaj, Genta Tafa ( Bungo ),Valbona Sanxhaktari pasi vlerësoi provat dhe faktet vendosi konfirmimin e tij në detyrë.
Robert Kote e ka nisur karrierën në sistemin e drejtësisë në vitin 1989. Ai punon prej më shumë se dy dekadash si prokuror pranë Prokurorisë së Rrethit Gjyqësor Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
