Policia ka arrestuar dy hajdutë, ish-të dënuar më parë, pasi grabitën dhe dhunuan katër emigrantë nga vendet e lindjes.
Ronaldo Mehmeti 20 vjeç banues në fshatin Moravë dhe Ergin Brami 25 vjeç nga Vlora në datë 2 gusht i ndihmuan katër emigrantët që të kalonin kufirin nga Greqia dhe më pas i morën me makinë duke u premtuar se do t'i transportonin drejt Tiranës.
Por në afërsi të fshatit Drenovë dy të rinjtë u kanë vjedhur me dhunë 500 euro, si edhe goditën me thikë, njërin prej tyre i cili u dërgua në spital.
Ndalimi i tyre u bë pasi, nga verifikimet e kryera rezulton se këta shtetas në bashkëpunim me njëri-tjetrin, iu kanë dhënë ndihmë për kalim të paligjshëm të kufirit 4 shtetasve të huaj, të cilët pasi i kanë marrë në një automjet, në afërsi të fshatit Drenovë, iu kanë vjedhur me dhunë 500 euro, si edhe kanë goditur me mjet prerës njërin prej tyre i cili mori mjekimin e nevojshëm pranë Spitalit Rajonal Korçë.
Materialet i kaluan Prokurorisë pranë Gjykatës së Shkallës së Parë Korçë për veprat penale “Vjedhja me dhunë” dhe “Ndihma për kalim të paligjshëm të kufirit” të kryera në bashkëpunim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
