Detaje të reja kanë dalë nga vrasja e 28-vjeçarit Vilson Tafçiu Noka, i cili u ekzekutua me armë zjarri mbrëmjen e djeshme në rrugën “Teodor Keko”, në zonën e njohur si “Astiri” në kryeqytet.
Është identifikuar nga policia autori i dyshuar i vrasjes, me iniciale N.D, nga pamjet e kamerave të sigurisë. Ky i fundit është shpallur në kërkim nga Policia.
Mbrëmjen e djeshme Policia ka kontrolluar banesa e personit me inicialet N.D, por ai nuk ndodhej aty.
28-vjeçari, Vilson Tafçiu Noka, ishte ulur në një lokal në zonën e Astirit në momentin që u thirr nga jashtë nga disa persona. Sapo Vilsoni kaloi pragun e lokalit u qëllua me tre plumba në gjoks nga personat që e thirrën dhe mbeti i vdekur në vend. Menjëherë pas krimit, autorët, u larguan nga vendi i ngjarjes me një automjet të llojit “Golf 6”, me ngjyrë të zezë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
