Gjykata Themelore në Prishtinë e ka dënuar të akuzuarin për sulm ndaj pjesëtareve të KFOR-it në Zveçan, Nenad Orloviç, me 15 muaj burgim dhe 12.000 € gjobë.
Kryetarja e trupit gjykues, Valbona Musliu Selimaj, tha se vendimi do të bëhet direkt i zbatueshëm meqë vjen si rezultat i marrëveshjes për pranimin e fajësisë.
Serbi me shtetësi kosovare dhe të Serbisë, Orloviç, u dënua për veprat penale pjesëmarrje në turmë që kryen vepra penale e huliganizëm dhe sulm ndaj personit zyrtar.
Ai është në paraburgim prej 26 qershorit të vitit të kaluar.
Sipas aktakuzës ai ka përdorur mjete të forta, mjete shpërthyese të improvizuara dhe armë zjarri në drejtim të pjesëtarëve të KFOR-it.
Aktakuza e Prokurorisë Speciale kundër Orloviçit ndërlidhet me 29 majin e vitit të kaluar kur turma e dhunshme e protestuesve serbë lëndoi rreth 90 pjesëtarë të KFOR-it.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
