Është arrestuar në Francë ish-trurproja i ish-ministrit të Brendshëm Saimir Tahiri.
Bëhet fjal për Paul Dedën, i cili kishte kërkuar azil në Francë. Ai është dënuar në mungesë nga Gjykata e Posaçme me 8 vite heqje lirie, për trafik droge dhe grup kriminal.
Në të njëjtën dosje në Shqipëri është dënuar me 8,8 vite burg edhe ish-truproja tjetër i Tahirit, Hekuran Marku. Ata u hetuan në një prej fraksioneve të dosjes ‘shpirti’, ‘shefi’ dhe ‘kulmi’, për trafikun e drogës nga Shqipëria në Itali.
“Si rezultat i sigurimit të informacionit nga struktura të specializuara të Policisë së Shtetit, dhe shkëmbimit të tij në kohë reale, nëpërmjet Interpol Tiranës, me homologët në Paris, në kuadër të kësaj faze të operacionit “The Wanted”, policia franceze lokalizoi dhe arrestoi me qëllim ekstradimin në Shqipëri, shtetasin shqiptar, të shpallur në kërkim ndërkombëtar, P. D., 50 vjeç”, njoftoi policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
