Grabitja në Rinas/ Krimet e Rënda lënë në burg tre të arrestuarit

Gjykata e Krimeve të Rënda ka dhënë sot masën “arrest me burg” për tre nga të arrestuarit e grabitjes në Rinas.

Gjykata ka dhënë masën “arrest me burg” për Renaldo Sulën, Saimir Çelën dhe Oltion Veselin. Seanca u zhvillua me dyer të mbyllura. Renaldo Sula, 25 vjeç  Saimir Çela, 28 vjeç, dhe 38-vjeçari Oltian Veseli kanë mbetur në burg edhe pse mësohet se i kanë mohuar akuzat.

Një ditë më parë, gjykata la në burg edhe Alkond Bengasin, i riu që zbërtheu të gjithë grupin.

Tre të rinjsë së bashku me Alkond Brengasin u arrestuan në fund të javës së kaluar në Elbasan pas të dhënave të reja të policië e cila arriti të zbulojë vendin ku ishte modifikuar makina e “hetimit tatimor” e përdorur nga Admir Murataj dhe grabitësit e tjerë, në ngjarjen e 9 prillit.