Shtetasi Erdgys Arrazi i cili është i arrestuar si i dyshuar për dhunë në familje dhe për rrjedhojë shkaktimin e vetëvrasjes të Alma Arrazit dhe mbytjes së fëmijëve të këtij çifti në lumin Buna, del sot përpara gjykatës se Shkodrës për t’u njohur me masën e sigurisë.
31 vjeçari sapo ka mbërritur në Gjykatës e Shkodrës, i veshur me bluzë me kapuç.
Ai do të dalë përpara gjyqtarit Sokol Shehu ndërsa prokuror i çështjes është Ledion Tema.
Më përpara në polici pasi është marrë në pyetje Arrazi ka mohuar se ka dhunuar bashkëshorten e tij apo 3 fëmijët e mitur ndërsa ka deklaruar se Alma Arrazi merrte medikante për shkak të depresionit dhe stresit herë pas here.
Të tre trupat e pajetë të fëmijëve të tij tashmë janë gjetur ndërsa vijojnë kërkimet për gjetjen e Alma Arrazit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
