Një kalimtar është përplasur nga një makinë në Lezhë. Mëngjesin e sotëm, rreth orës 08:20, është marrë njoftim se në Balldre ka ndodhur një aksident.
Në vendin e ngjarjes kanë mbërritur efektivët e policisë të cilët kanë konstatuar se mjeti tip Benz i drejtuar nga shtetasi M.D., banues në Lezhë ka aksidentuar një këmbësor.
I dëmtuari është N.Gj. ,78 vjeç, i cili është dërguar në spitalin e Lezhës, ku ndodhet nën kujdesin e mjekëve në gjendje të rëndë.
Ndërkohë drejtuesi i mjetit u shoqërua nga policia për veprime të mëtejshme. Aktualisht vijojnë hetimet për zbardhjen e plotë të shkaqeve të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
