Protesta e 8 janarit, policia kishte sinjalizime për dhunë

Shkallët e prokurorisë së tiranës, pritet t’i ngjisë kreu aktual i Partisë Demokratike, Lulzim Basha, dhe ish-lideri demokrat, Sali Berisha.

Deklarimet e tyre pritet të merren në cilësine e personave që kanë dijeni mbi çështjen hetimore që prokuroria ka hapur para dhe pas datës 8 janar, ku në selinë e PD-së, pati akte të dhunshme, brenda dhe jashtë saj.

Nga një dokument zyrtar i policisë që MCN ka mundur të sigurojë, prokuroria është vënë në lëvizje një ditë para zhvillimit të protestës nga Policia e Shtetit, se grupe të armatosura pritet të ishin në godinë dhe jashtë saj, duke ju referuar mbështetësve të Grupit të Rithemelimit dhe personave që u mobilizuan nga Lulzim Basha për të mbrojtur selinë.

Në këtë shkresë të policisë, kërkohet ndëryrja në sistemin TIMS, si dhe verifikimi i kalimeve në kufi nga shtetas kosovarë, duke iu referuar të ashtuquajturit Grupit të Kumanovës, për të cilët ka të dhëna se kryenin detyrën e truprojave të Lulzim Bashës para dhe gjatë protestës së 8 janarit.

Në këtë shkresë flitet edhe për Florenc Hoxhën, ish-drejtues i lartë i Policisë Bashkiake, dhe së fundmi mbështetës i së djathtës, i fotografuar me persona të dyshimtë dhe të armatosur në selinë e PD-së.

Deri tani prokurorët kanë siguruar deklarimet e 8 prej anëtarve të Partisë Demokratike. Ndërsa si provë materiale janë sekuestruar shumë sende që pritet t'i nënshtrohen dhe një ekspertimi.