Forcat e Armatosura të Shqipërisë shënojnë sot 32 vjetorin e themelimit të Policisë Ushtarake.
Në këtë përvjetor, punën dhe aktivitetin e Policisë Ushtarake, ministri i Mbrojtjes, Niko Peleshi, e cilësoi këtë strukturë si një njësi elitë e Forcave të Armatosura.
“Ata burra dhe gra të guximshëm që veprojnë me vendosmëri dhe profesionalizëm në çdo situatë, meritojnë vlerësimin tonë të thellë”, u shpreh ai.
Me devotshmëri dhe përkushtim të pashoq, efektivët e Policisë Ushtarake kanë dhënë një kontribut të jashtëzakonshëm në ruajtjen e sigurisë dhe mbarëvajtjes së detyrave të Forcave të Armatosura.
Krenarë për punën e bërë në këto vite dhe për kontributin e tyre të jashtëzakonshëm në mbrojtjen e interesave tona kombëtare dhe në promovimin e vlerave të NATO-s.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
