Një qytetar është arrestuar pasi i ka dhënë në formë ryshfeti 500 lekë punonjësit të burgut 313 në Tiranë për të takuar të birin i cili po vuan dënimin në këtë institucion. Ngjarja ka ndodhur mesditën e sotme kur Gezim Odobashi babai i të paraburgosurit Francesko Otobashi, në momentin e dorëzimit të dokumentacionit tek regjistruesi paraburgimit Ramadan Koçi, ka dorëzuar dhe një vlerë monetare prej 500 lekësh, e vendosur ndërmjet kartës së identitetit dhe një karte kartofoni.
Pasi ka parë paratë, punonjësi i paraburgimit ka ndërprerë punën dhe ka lajmëruar oficerët e policisë të cilët kanë bërë shoqërimin e qytetarit. Personi që kreu veprimin aktualisht ndodhet në ambientet e burgut 313 në pritje të procedurave të tjera ligjore nga komisariati i policisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
