Një aksident rrugor është regjistruar pak minuta më parë në aksin kombëtar Gjirokastër–Kakavijë, në vendin e quajtur Kordhoc, pranë fshatit Lazarat.
Sipas të dhënave paraprake, dy automjete janë përplasur me njëri-tjetrin. Dyshohet se aksidenti është shkaktuar nga shpejtësia e lartë dhe një tentativë për parakalim në një segment me kthesë.
Si pasojë e përplasjes janë shkaktuar dëme të konsiderueshme materiale, ndërsa pasagjerët kanë mbetur të lënduar lehtë.
Në vendngjarje ndodhen shërbimet e Policisë dhe grupi hetimor, të cilët po kryejnë veprimet e nevojshme për të zbardhur shkaqet dhe rrethanat e plota të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
