Prokuroria ka mbyllur hetimet për grabitjen e Rinasit në 2019. Çështja tashmë i ka kaluar Gjykatës për ndërsa të pandehurit për vjedhjen e disa miliona eurove janë tetë.
Të pandehurit në këtë çështje janë: Eldi Çala, Klement Çala, Oltion Veseli, Renaldo Sula, Elton Pikli, Alkond Bengasi, të cilët janë nën masën e arrestit me burg përveç Talo Çelës, i cili është në arrati.
Gjykata ka vendosur që të pushojë akuzën për Ragip Hajdinin pasi ndërroi jetë pak kohë më parë nga një sëmundje.
Grabitja spektakolare në Rinas, ndodhi mesditën e 9 prillit të 2019. Një makinë pa targa mbi të cilën shkruhej “Hetimi Tatimor” vodhi 4.6 milionë euro që do të transportoheshin drejt Vienës. Pasi kryen grabitjen, 4 autorët u larguan me shpejtësi nga dera e pasme e aeroportit. Gjatë largimit pati edhe një shkëmbim zjarri mes autorëve dhe policisë, ku mbeti i vrarë Admir Murataj, i cili njihej si ‘truri’ i grabitjeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
