Nëna e 28-vjeçares Emanuela Dalipi, e cila humbi jetën në spitalin Infektiv pas konplikacioneve të rënda nga COVID-19, ka shkruar fjalë të ndjera në profilin e saj në Facebook.
“U bë dhe shpirti mamit engjëll… o zooot…”, shkruan Irena Dalipi e pikëlluar. Fjalët e ndjera, nëna i ka shkruar duke i shoqëruar me foton e vajzës së saj, jeta e së cilës u ndërpre si pasojë e virusit që ka pushtuar botën.
Ngjarja e rëndë ndodhi mbrëmjen e së hënës, ku shëndeti i 28-vjeçares 5-muajshe shtatzënë ishte përkeqësuar. Mjekët bënë të ditur se e reja kishte dy javë e prekur nga COVID, ndërsa ditët e fundit gjendja e saj ishte rënduar.
Tri ditët e fundit, ajo ishte intubuar ndërsa dëshohet që si pasojë e kësaj foshnja kishte ndërruar jetë në barkun e nënës. Kur mjekët kanë kuptuar se foshnja kishte ndërruar jetë, kanë vendosur ta fusnin në operacion 28-vjeçaren, për të shpëtuar jetën e saj. Por e reja nuk ka mundur ta përballojë këtë operacion. Ajo mësohet se ka ndërruar jetë pa përfunduar operacioni i heqjes së foshnjës. Mjekët e spitalit janë shprehur për këtë rast, ndërsa kanë thënë që bënë gjithçka kishin në dorë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
