Presidentja e Kosovës, Vjosa Osmani, të shtunën i ka ftuar në takim përfaqësuesit e sindikatave dhe të qeverisë me qëllim të gjetjes së një zgjidhje sa më të shpejt rreth përfundimit të grevave dhe fillimit të procesit mësimor.
Këtë e ka konfirmuar sekretari i Sindikatës së Bashkuar, Arsimit dhe Shkencës, Ymer Ymeri.
Ne jemi të angazhuar maksimalisht që kushdo që mundet ta bëjë një hap pozitiv drejt dialogut. Uroj që presidentja t’i shohë palët të barabarta.
Po shpresojmë që ajo të kontribuojë që dialogu i mirëfilltë të fillojë. Kemi shpresa te ajo që do të bëjë ndonjë hap pozitiv.
Në këtë takim që pritet te nis në ora 15, do të këtë përpjekje për të gjetur ndonjë zgjidhje për situatën aktuale të mësimdhënësve në grevë.
Sindikata e Arsimit dhe sektorët tjerë publikë janë duke kërkuar 100 euro shtesë në muaj deri në hyrjen në fuqi të Ligjit për Paga.
Kryetari i SBASHK-ut, Rrahman Jasharaj ka thënë se 97 për qind e shkollave janë në grevë dhe me 1 tetor do të ketë grevë edhe në universitetet publike.
Sipas tij, greva do të vazhdojë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
