Prokuroria e Tiranës ka kërkuar burg për edukatoren Majlinda Dehima, e cila në datën 1 nëntor i theu këmbën fëmijës 3-vjeç në kopësht.
Nga ana tjetër qytetarët janë mbledhur pasditen e sotme pranë Ministrisë së Arsimit për të protestuar në lidhje me ngjarjen.
Ata kanë kërkuar më shumë siguri për fëmijët e tyre në kopshtet dhe çerdhet private, si edhe shtim të stafit punonjës në institucionet shtetërore.
Ndërkaq Ministria e Arsimit dhe Sportit ka urdhëruar menjëherë mbylljen e institucionit, i cili ka qenë i palicencuar, siç nënvizohet në njoftim.
MAS ka ngritur menjëherë Task-Forcën institucionale për verifikimin e subjekteve që ushtrojnë aktivitetin në shërbimet për fëmijët, në bashkëpunim me pushtetin lokal dhe policinë e shtetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
